|
Wat is Postfaktisch ? |
|
|
|
von Erich Franz |
|
|
|
|
|
Wat es Postfaktisch ? So wie äisch dat sien härt die Sach emol geklärt, wat mer hout all vor Wärder härt. - Postfaktisch - wa 2016 dad, dad moh klor is, dad Word des Johres. Äisch män joh Politiker hon dat Wort erfun, die Angela schwätzt aach schun devun, vun dä Postfaktischen Zeit, isset awäi mit dä aach schun so wäit ? Die Wohrhät bast nit meh so recht in die houtisch Zäit, prakdisch miesdet doch häse Postfaktisch die verlorene, unehrliche Zeit. Joh die Politiker hon joh aach neist gescheides se dun, unn wenn dann, dann dunse sich doch recht oft noch verdun. Hauptsach se hon ebbes se despedäre unn se resenäre. Üwernanner unn gännanner statt mitenanner, alles äne dorischenanner. Hien unn her, gräiz unn quer. Wenn doch mol äner käm mit Mut unn doch emol uffroume dut, do kannet däm passäre, das er nemme mus dann seine Hut. Wie nennt sich dann dat ganze Verfahre, is dat dann in Uffroum-, in Raumordnungs- orer in Postfaktisches Verfahre ?? Awäi hommer dad Gediewer dat gleiche Word schun wierer. Postfaktisch is wie äisch män, dat se erkläre, doh is äne Satz zu klän. Wenn Politiker stehn am Pult, doh fählts däm Zuhärer nit nore mannich mol, aach oft an Geduld, doh wärd in Stunn geschwätzt, gebabbelt unn gesabbelt, unn käner wäs am Änn wat horrer gewulld, eischentlisch gesad dann is dad schad ? Orer wa dat dann prakdisch, unn takdisch aach rischtisch, dad is loh nit so wischtisch. In Ordel se fälle, is loh schwierisch, wenn dann käner meh ebbes wäs, wa dann umsunst de ganze Käs, dann nennt mer dat ganze praktisch unn aach taktisch, ganz änfach Postfaktisch. So dat wär nou mol geklärd, orer hon mär Alde immer noch neist gelärt. |
